Այց ծրագրային տարածքներ դեսպանի կողմից | WWF

Այց ծրագրային տարածքներ դեսպանի կողմից



Posted on 08 November 2019
Ambassador's Visit
© WWF Armenia
Օրերս, Գերմանիայի Կառավարության կողմից ֆինանսավորվող «Հարավային Կովկասում էկոլոգիական միջանցքների ստեղծման աջակցություն» ծրագրի շրջանակներում, ծրագրի իրականացման տարածքներ էր այցելել Գերմանիայի Դաշնային Հանրապետության դեսպան Ն.Գ. պարոն Միխայել Յոհաննես Բանցհաֆը:

Առաջին համայնքը, որ այցելեց պատվիրակությունը, Զանգակատունն էր: Համայնքի ղեկավար Հովիկ Կարապետյանը ներկայացրեց ծրագրի շրջանակներում արված աշխատանքները՝ համայնքի լուսավորություն, խմոցների կառուցում, ընձառյուծի խնամակալների համար կահավորված աշխատասենյակ և այլն։ Այնուհետև պատվիրակությունը մասնակցեց համայնքի կողմից կազմակերպված «Բերքի տոն» փառատոնին, որտեղ ներկայացված էին տեղին հատուկ բազմաթիվ ճաշատեսակներ, համտեսի ենթակա բերք ու բարիք:

Հաջորդ համայնքը Արենին էր, որտեղ պատվիրակությանը դիմավորեց համայնքի ղեկավար Հուսիկ Սահակյանը: Նա ներկայացրեց համայնքում կատարված ծրագրերը, գնված գյուղատնտեսական տեխնիկան և այլն։

Համայնքներ այցից հետո պարոն Բանցհաֆն այցելեց «Արփա» պահպանվող լանդշաֆտի այցելուների կենտրոն, որտեղ նրան դիմավորեց Արփա բնապահպանական հիմնադրամի ղեկավար Արուս Ներսիսյանը՝ ներկայացնելով բնության պահպանության աշխատանքները և ցույց տալով տեղի կենդանատեսակների տեսա և ֆոտո կադրեր։

Այցի ավարտին պարոն Բանցհաֆը հնարավորություն ունեցավ բնության մեջ դիտարկելու Հայաստանի Կարմիր գրքում գրանցված բեզոարյան այծերին և վայելելու Նորավանքի կիրճը աշնանային հիասքանչ գույների մեջ։
Ambassador's Visit
© WWF Armenia Enlarge
Ambassador's Visit
© WWF Armenia Enlarge
Ambassador's Visit
© WWF Armenia Enlarge