Գնումներ | WWF

Գնումներ



ԱՌԱՋԱՐԿԻ ՆԵՐԿԱՅԱՑՄԱՆ ՀՐԱՎԵՐ

Պատվիրատու` WWF-Հայաստան
 
Մրցույթի ծածկագիրը` 03/19-WWF-GE0061
 
Պայմանագիր` Ծառայությունների մատուցում
 
Ընթացակարգ` WWF-ի մրցույթի ընթացակարգ
 
Աշխատանքի անվանումը` «Ընձառյուծի հետքերով» ֆիլմի նկարահանում  

Հայտարարության ամսաթիվը` 17 հուլիս, 2019 թ.

Հայտերի ներկայացման վերջնաժամկետը`26 հուլիս, 2019 թ., տեղական ժամանակով ժամը 18:00:
 
Նկարագրություն.
WWF-Հայաստանը հրավիրում է բոլոր հետաքրքրված կազմակերպություններին և անհատներին ներկայացնել իրենց հայտերը 2 ֆիլմի պատրաստման համար։ Առաջին ֆիլմում՝ անվանումը «Ընձառյուծի հետքերով», պետք է արտացոլված լինեն ՀՀ շրջակա միջավայրի նախարարության և WWF Հայաստանի կողմից ընձառյուծի պահպանությանն ուղղված հիմնական գործընթացները վերջին շուրջ 20 տարվա ընթացքում՝ համապատասխան մասնագետների մասնակցությամբ (փորձագետ Ալեքսանդր Մալխասյան, պահպանվող տարածքների ռենջերներ և այլն), ինչպես նաև ներկայացվեն ընձառյուծի ապրելավայրերը։ Անհրաժեշտ են հարցազրույցներ ՀՀ շրջակա միջավայրի նախարարության և WWF Հայաստանի համապատասխան ներկայացուցիչների, ինչպես նաև «Զանգեզուր» կենսոլորտային համալիրի և «Խորովի անտառ» պետական արգելոցի տնօրենների հետ։ Ցանկալի է ֆիլմում ներառվեն կադրեր Հայաստանի գեղեցիկ բնությունից, ընձառյուծի կեր հանդիսացող կենդանատեսակներից՝ բեզոարյան այծ, հայկական մուֆլոն և այլն։  Ֆիլմն ընդհանուր պետք է լինի դինամիկ և պարունակի ավելի շատ կադրեր գործողությունների տեսքով, քան հարցազրույցների։
Ֆիլմի տևողությունը՝ մինչև 7 րոպե։
Երկրորդ ֆիլմում՝ «Ավերված բնություն» անվանումով, պետք է ներկայացվի հանքարդյունաբերության, բնության աղտոտման, որսագողության և ծառահատումների խնդիրը։ Նպատակն է ներկայացնել մարդու ներկայիս բացասական ազդեցությունը բնության վրա, թե ինչից ինչ դարձավ բնությունը։
Ֆիլմի տևողությունը՝ մինչև 4,5 րոպե։    
 
Մասնակիցների կողմից ներկայացվող փաստաթղթերի ցանկ
  1. Ֆիլմի սցենարի նախնական գաղափարի ներկայացում
  2. Գնային առաջարկ (ԱԱՀ-ով և առանց ԱԱՀ-ի)
 
Հայտերի գնահատման եղանակը
  1. Գաղափարի գնահատում
  2. Որակավորման համապատասխանությունը հիմնավորող փաստաթղթերի կամ հղումների գնահատում
  3. Գնային առաջարկի գնահատում

Որակավորման պահանջներ
1.   Տեսանյութերի, գովազդների, ֆիլմերի նկարահանման, կրեատիվ արշավների անցկացման հաստատված փորձ ընկերության կամ անհատի կողմից (առնվազն 2 տարի)։
2. Կատարված նմանատիպ աշխատանքների առնվազն 3 օրինակ:
 
Հայտերը պետք է ներկայացվեն հետևյալ էլեկտրոնային հասցեով՝ media_am@wwfcaucasus.org:
Լրացուցիչ տեղեկությունների համար կարող եք զանգահարել WWF հայաստանյան գրասենյակ հետևյալ հեռախոսահամարով՝ (010) 54 61 56 (ներքինը՝ 15), հանրային կապերի բաժին։